次次一家人去旅行都好似打仗咁?但偏偏年年都想同佢哋最少去一次~

因為「愛」呀嘛~其實一家人出發去邊?做咩?都冇所謂!最緊要係可以一齊出發!

新一年,一於帶屋企人去旅行啦!國泰一共有超過200個航點*俾你揀,想去邊就去邊!

經濟艙包2件一共30kg行李,一家人去shopping狂買都冇問題啦!

*包括聯號航班。

小編精選咗六大新春外遊熱點俾大家:

台北

屋企人唔係個個都可以一齊夾到大假,短途快閃去一轉台北就最適合啦!連埋weekend加多1, 2日假期就行得!

台灣過新年唔習俗都同香港差唔多,不過嚟到就要一試台灣嘅年菜啦!到時去埋十分放天燈,祈求一家人喺嚟緊一年都可以健健康康,整整齊齊!

——————————————————

新加坡

每年新年,唔少人都會食「撈起」,唔只顏色七彩繽紛,更重要係攞個意頭!希望大家都可以撈到風生水起!

其實「撈起」係新加坡嘅必食年菜之一,去新加坡過年除咗欣賞各式賀年活動同醒獅表演,記得都食返碟「撈起」啦!

——————————————————

吉隆坡

嚟到馬來西亞,不妨跟當地人一齊,到唔同嘅寺廟/神社參拜啦!

更加要去到位於北部郊區嘅黑風洞,爬上 272 級樓梯先可以到達,寓意來年扶搖直上,步步高陞。仲可以欣賞印度教神像、雕塑及洞穴~

——————————————————

東京

雖然日本嘅新年已經過咗,不過東京呢個人人都會鍾意嘅地方,就算冇新年氣息都唔會消退旅行嘅心!

帶住一家大細,行程唔需要太緊湊,入住溫泉旅館,一泊兩食,放鬆一下都唔錯呀!仲有機會見到有雪頂嘅富士山呀!

——————————————————

溫哥華

成日都話飛溫哥華探親,係因為呢到有唔少華人定居。今個新年想飛去拜年,可以順便留多幾日周圍玩下~

溫哥華有唔少雨林,亦都有大大小小嘅花園,想親親大自然,可以揀返適合嘅園區呀!小編就推介大家到史丹利公園漫步,或者到卡皮拉諾吊橋公園探索世界最高嘅步行吊橋啦!

——————————————————

倫敦

辦年貨唔一定要去行花市,因為買新衫都算係辦年貨之一嚟架嘛!去到倫敦想買平靚正嘅衫褲鞋襪,柯芬園、牛津街、邦德街及攝政街一定可以行到你腳軟!

記得留返啲時間去唐人街行一轉呀!除咗亞洲之外,嚟到應該係最能夠感受節日氣氛嘅地方

——————————————————

以往都係爸爸媽媽帶自己去旅行,今年起,不如試下角色調換,由你帶住一家有老有嫩出發啦!

就算近近地4日3夜,相信已經會係一生人入面最難忘嘅旅程之一。終有一日回想返,必定係一段令你會心微笑嘅經歷!

有興趣既話可以上國泰航空官網訂票出發

詳情:https://www.cathaypacific.com/cx/zh_HK/offers/collection/chinese-new-year-family-trip.html