美利酒店由政府辦公大樓「美利大廈」改建而成。酒店內外都充滿住藝術同設計元素，影相打卡一流！除咗建築本身充滿特色，門口仲有一棵叫做「節果決明」嘅樹，全港只有2棵！4月尾開花超靚！

美利酒店客房相對大，最細嘅房型都有400呎。不過想浸浴嘅話，就要揀返N2或N3房。

N2/N3房嘅雲石浴室係一大亮點，配有超大浴缸！佢哋提供嘅浴室用品都幾齊全，浴鹽同泡泡浴鹽都有！最特別係採用咗智能座廁。

N2同N3房嘅配套其實大同小異，最主要係有景觀之分。

N2係望向香港公園 (圖左)，而N3房係對住中環方向 (圖右)，可以睇到聖約翰座堂、前法國外方傳道會大樓同匯豐總行等等地標！

4月底至6月有個夏日主題下午茶。呢個主題比較特別係有提供咗5款手工果醬。一坐低職員就會準備同逐一介紹，當中「橙花無花果」同「雲呢嗱大黃」都幾特別！

比較特別係今次下午茶會送Jo Malone古龍水。另外仲有張禮物換領券，可以免費換取陶瓷擴香手繩同身體與沐浴體驗裝。

新出package嘅早餐係用一大個野餐籃裝住，以簡單嘅嘢食為主。最吸引係個籃同埋入面所有用具都唔洗還返俾酒店！有齊餐具杯碟＋保溫杯＋防水野餐墊，之後自己野餐可以重用！

Package另包welcome cocktail。入住當日4-6pm可以上天台酒吧Popinjays享用！

酒店內仲有其他餐廳都幾值得一試。小編對上一次去住就試咗The Tai Pan嘅3道菜晚餐。

Gym room有齊基本嘅健身器材，一大貼心位係有跑步機專用耳筒、凍毛巾、飲品同有能量球都係免費提供〜！