嘩!最平唔駛八百蚊一晚!兩間香港迪士尼酒店推出咗Black Friday快閃優惠!連住兩晚或以上即享55折優惠!房間可以兩大兩小入住!小編搵到香港迪士尼樂園酒店平均每晚只需$770起;迪士尼探索家度假酒店平均每晚$990起!酒店仲有免費泊車!啱晒一家大細嚟個三日兩夜奇妙旅程。住當中一間酒店可以玩轉兩間酒店設施,大家仲可以買埋門票入樂園玩番日,感受奇妙歡樂!迪士尼酒店提供咗唔少工作坊俾入住酒店嘅賓客參加,而酒店亦都有超多打卡位,一於就等小編同大家介紹吓啦!提提大家,今次優惠可以喺入住日期前7日免費取消!大家不妨趁有優惠訂咗先!

香港迪士尼樂園酒店 (Hong Kong Disneyland Hotel)迪士尼探索家度假酒店(Disney Explorers Lodge)參加酒店工作坊酒店休閒活動酒店設施酒店餐飲小編特別推介打卡位

香港迪士尼樂園酒店 (Hong Kong Disneyland Hotel)

Black Friday快閃酒店優惠 (入住兩晚或以上實時房價55折優惠):

  • 兩大兩小(11歲或以下)連續入住兩晚標準客房,55折後平均每晚只需$770起,連服務費$847起 
  • 兩大兩小(11歲或以下)連續入住兩晚海景客房,55折後平均每晚只需$880起,連服務費$968起
  • 優惠只適用於香港迪士尼樂園酒店之標準客房及海景客房
  • 入住酒店的賓客可於酒店停車場免費享用自助泊車服務,每間房間可停泊最多一輛汽車
  • 優惠可於入住日期前最少7天免費取消

優惠日期:即日至2020年12月4日

入住日期:2021年1月3日至9月29日 (退房日期須為2021年10月1日或之前)

預訂網址:https://www.hongkongdisneyland.com/zh-hk/offers-discounts/black-friday-hotel-flash-sale

迪士尼探索家度假酒店(Disney Explorers Lodge)

Black Friday快閃酒店優惠(入住兩晚或以上實時房價55折優惠):

  • 兩大兩小(11歲或以下)連續兩晚入住標準客房,55折後平均每晚只需$990起,連服務費$1,089起
  • 兩大兩小(11歲或以下)連續兩晚入住海景客房,55折後平均每晚只需$1,045起,連服務費$1,150起
  • 優惠只適用於迪士尼探索家度假酒店之標準客房及海景客房
  • 入住酒店的賓客可於酒店停車場免費享用自助泊車服務,每間房間可停泊最多一輛汽車
  • 優惠可於入住日期前最少7天免費取消

優惠日期:即日至2020年12月4日

入住日期:2021年1月3日至9月29日 (退房日期須為2021年10月1日或之前)

預訂網址:https://www.hongkongdisneyland.com/zh-hk/offers-discounts/black-friday-hotel-flash-sale

參加迪士尼酒店工作坊

住喺酒店三日兩夜,可以Join佢哋嘅工作坊,好玩之餘,仲有靚靚製成品可以拎走!無論係大人定小朋友都可以參加㗎!

皮卡套手作班

 Staycation_酒店_Disney_迪士尼_Leather Cardholder Class_卡套

皮卡套手作班可以自己DIY獨一無二嘅卡套,上面仲有米奇頭勁可愛~可以刻字同串珠,整俾自己定送人都冇問題!

價錢:$250   

地點:香港迪士尼樂園酒店水晶吊燈樓梯  

喺官方網站預訂酒店房間時,於「附加選項」下選擇「皮卡套手作班」即可預訂 (需於3日前預訂)。名額有限,先到先得!

*只適用於入住香港迪士尼樂園酒店之賓客

環保袋手作班

Staycation_Disnay_迪士尼酒店_Recreation-DIY-Eco-Bag

非常之適合三五知己一同享受手作嘅樂趣!工作坊提供唔同布料俾大家拼貼做裝飾,仲可以砌到個米奇出嚟㗎~想繡埋名喺環保袋上面都OK!

價錢:$180

地點:香港迪士尼樂園酒店水晶吊燈樓梯

喺官方網站預訂酒店房間時,於「附加選項」下選擇「環保袋手作班」即可預訂 (需於3日前預訂)。名額有限,先到先得!

*只適用於入住香港迪士尼樂園酒店之賓客

迪士尼酒店休閒活動推介

迪士尼朋友太極班

Staycation_酒店_Disney_迪士尼_太極

奇妙旅程,由每日朝早開始!原來迪士尼朋友每朝都會喺「香港迪士尼樂園酒店」出現,由演藝人員帶領下同住客一齊耍太極,好有趣呀~

米奇迷宮

Staycation_酒店_Disney_迪士尼_米奇迷宮

香港迪士尼樂園酒店設有一個以米奇為靈感嘅經典英式花園迷宮,最啱俾小朋友喺度盡情探險!大家有冇發現張相嘅迷宮有個隱藏米奇呢?

迪士尼酒店設施

香港迪士尼樂園酒店泳池

Staycation_酒店_Disney_迪士尼_swimming pool_泳池1

酒店設有幽靜雅緻嘅室內泳池同寬敞嘅室外泳池,全年365日都可以盡情嬉水同暢泳!

室外泳池仲有40米長嘅多彎道滑水梯!好刺激㗎!

迪士尼探索家度假酒店泳池

 Staycation_酒店_Disney_迪士尼_swimming pool_泳池

戶外游泳池名為「雨澄泳池」,位於雨澄花園嘅末端,毗鄰步行小徑,可以遠眺坪洲及愉景灣。

網球場及多功能球場

酒店唔只有泳池仲有埋網球場及多功能球場㗎!可以嚟一場網球比賽又可以嚟返場足球友誼賽,互相切磋一下球技!入住香港迪士尼樂園度假區兩間酒店嘅住客都可以免費享用球場設施!

開放時間:每日上午8:00至晚上10:00

可以直接按客房電話「酒店服務」鍵,或到健身室接待處進行預約。

迪士尼酒店餐飲

於華特餐廳享受精緻的下午茶餐

 Staycation_酒店_Disney_迪士尼_下午茶 hightea

可以約埋一班姐妹High tea,啲甜品仲有唔少迪士尼元素喺入面,睇得又食得!

品嚐迪士尼特色點心

Staycation_酒店_Disney_迪士尼_飲茶 點心

去晶荷軒有得食迪士尼特色點心!款款點心除了味道一流,賣相都超得意~完全唔捨得放入口呀!

小編特別推介:迪士尼酒店打卡位

香港迪士尼樂園酒店

Staycation_酒店_Disney_迪士尼_打卡_photo-spot

米奇迷宮唔只有可以俾小朋友玩,打卡都勁啱Feel㗎!

Staycation_酒店_Disney_迪士尼_打卡_photo spot

入到酒店入面都有唔少打卡牆呀!!瘋狂影唔停手!

迪士尼探索家度假酒店

Staycation_酒店_Disney_迪士尼_打卡_photo spot 3

迪士尼探索家度假酒店充滿熱帶風情,呢3塊滑浪板係唔少人嘅打卡位嚟㗎!

Staycation_酒店_Disney_迪士尼_打卡_photo-spot

酒店外面仲有個噴水池,坐喺池邊打卡都係一個好位置呀!

Staycation_酒店_Disney_迪士尼_打卡_photo-spot

酒店內部就有唔少冒險元素,大家可以扮係冒險家周圍探險!

 

*圖像僅作推廣用途。所有賓客必須佩戴口罩及保持適當社交距離。優惠受條款及細則約束。詳情請瀏覽樂園網站 www.hongkongdisneyland.com