就到暑假!仲未安排好活動俾小朋友?呢個親子staycation優惠連行程都幫你plan埋啦!鄰近港鐵宋皇臺站嘅8度海逸酒店(Harbour Plaza 8 Degrees)推出咗「8度暑假旅行記」計劃!包咗開篷巴士本地遊行程!日間行程連半自助午餐,兩大一小(11歲或以下)入住一晚只需$1,200起+10%!好抵玩!夜間行程就包自助晚餐,兩大一小入住一晚$1,550起+10%咩都唔洗諗,帶埋小朋友去玩,再食埋自助餐,歎到盡~

開篷巴士可以讓大家喺沿途將美景盡收眼簾,亦都有導遊為大家詳盡講解,為今個暑假增添一點新鮮感!內文有開篷巴士行程俾大家參考返!

「8度暑假旅行記」計劃:

選擇一 (日間開篷巴士本地遊連半自助午餐/週末自助午餐):

  • 兩大一小(11歲或以下小童)入住高級客房一晚$1,200起,連服務費$1,320起
  • 日間開篷巴士本地遊行程
  • 酒店半自助午餐/週末自助午餐 (加$180)
  • 可免費享用酒店健身中心及室外游泳池
  • 免費無線上網
  • 免費房內咖啡 / 茶沖調設備
  • 酒店免費穿梭巴士來往黃埔、紅磡及尖沙咀

入住日期:2021年7月16至8月29日 (逢星期三至日)

預訂網址:https://bit.ly/3hcKK0n

更多詳情:https://bit.ly/3dnUqUD

選擇二 (夜間開篷巴士本地遊連自助晚餐):

  • 兩大一小(11歲或以下小童)入住高級客房一晚$1,550起,連服務費$1,705起
  • 夜間開篷巴士本地遊行程
  • 酒店自助晚餐
  • 可免費享用酒店健身中心及室外游泳池
  • 免費無線上網
  • 免費房內咖啡 / 茶沖調設備
  • 酒店免費穿梭巴士來往黃埔、紅磡及尖沙咀

入住日期:2021年7月16至8月29日 (逢星期三至日)

預訂網址:https://bit.ly/3x5febl

更多詳情:https://bit.ly/3dnUqUD


行程簡介

日間行程連半自助午餐/週末自助午餐

11:30am – 2:30pm 預辦登記及享用半自助午餐或週末自助午餐

半自助午餐:

一共有9款精緻美饌可以揀,有燒特級牛肉扒、香烤羊架、意式香草烤春雞、香煎三文魚等。

任食招牌芒果拿破崙、鮮果Creme Brulee等甜品。

週末自助午餐:

提供每日兩款空運到港嘅法國、美國或愛爾蘭即開生蠔!仲有紐西蘭青口、海蝦、海螺等新鮮海鮮。

當然唔少得大量刺身啦!仲有超過十五款熱食任君選擇。

甜點除咗必食嘅即製燕窩蛋白杏仁茶、招牌拿破崙,仲有限定口味Häagen-Dazs雪糕或 Mövenpick雪糕任食呀!

3:00pm 坐開篷巴士出發

登記入住後,於8度海逸酒店乘坐開篷巴士出發。沿途觀看市內的建築、街道、景觀等,別有另一番滋味!

4:15pm 遊覽迪欣湖

最佳嘅遊覽方式就係沿住湖邊散步或者踩單車!啱晒一家大細嚟呼吸新鮮空氣,好好舒展身心。想好好放鬆一下,帶張野餐墊席地而坐都唔錯!

5:00pm 到達欣澳海濱長廊

如果大家坐港鐵入東涌時有留意嘅話,海邊浮住一排排嘅木棧道,其實曾經係香港唯一嘅水上貯木場,而其對出海中巨木係用嚟作固定浮木之用,非常有鄕村特色。

6:20pm 乘坐開篷巴士駛經南環路欣賞日落

如果天氣好,可以欣賞到開揚美麗嘅日落景色,沿途仲有機會近距離見到飛機升降及拍攝到停機坪上嘅飛機!不過留意返,日落時間快速而短暫,如遇交通、天氣等情況,上車時間有機會因天氣及日落時間微調。

7:20pm 返回市區,於8度海逸酒店下車

夜間行程連自助晚餐

3:00pm 於酒店辦理入住手續

6:00pm 於8度餐廳享用自助晚餐

「味遊8度線」自助晚餐:

自助晚餐仲有唔少特色嘅菜式,例如生滾海鮮粥底火煱、籠仔蒸海鮮(帶子, 鱈場蟹腳, 海蝦及大蜆)

亦會繼續無限量提供海鮮,包括即開生蠔及鱈場蟹腳。

仲有全新主題嘅冷盤同沙律!

8:15pm 於8度海逸酒店乘坐開篷巴士出發

前往牛棚藝術村參觀,充滿古色古香嘅風貌!

8:45pm 登車前往西九文化區

沿途觀賞尖沙咀海旁及維多利亞港壯麗夜景。

9:15pm 抵達西九文化區

於西九文化區欣賞鬧市中的百萬夜景,可以飽覽香港島西及維港海景,亦是觀看維港煙花的熱門地點之一。長廊設施包括木板步行道、兒童小天地、沙池、文化燈飾走廊、單車徑及單車場等,環境清靜舒適。

10:00pm 乘坐開篷巴士折返8度海逸酒店

8度海逸酒店 (Harbour Plaza 8 Degrees)