HK Express新推出「香港快運改票易」！慳足$400！改期更抵玩只需$180，可享改機票一次！仲有座位表全面升級：前排座位統一為第2-10行，落機更加快捷！
HK Express近排宣佈咗一系列升級：改期更平、更彈性、選位更清晰、統一前排座位，更多標準座位可以揀！
香港快運改票易(HK Express Flexi) 更改行程更具彈性！
去旅行最怕就係行程突然有變，大家有冇試過：
- 飛外地睇演唱會，但主辦方突然臨時改期
- Book好星期五放工即飛，但公司突然要開會
- 同行屋企人臨出發前突然唔舒服
以上情況一啲都唔罕見，但以往無論你買邊款票價，每人每程改期一次都要俾HK$580更改費，一家大細/一班朋友一齊出行，改一次期就要幾千蚊，真係好大負擔。
所以唔少人最後直接退稅算數，都唔想俾$580更改費。
不過依家完全唔同講法啦！HK Express正式推出「香港快運改票易 HK Express Flexi」！改期慳足$400！
大家只要喺訂飛嗰一刻加購「香港快運改票易」，就可以之後更改一次，足足平四倍咁多！
詳情：https://www.hkexpress.com/zh-HK/Plan/Extras/HK-Express-Flexi
小編強烈建議：如果你本身就怕行程有變嘅話，預訂機票時就記得要加購定，因為之後無得補加！
小貼士：
- 如果想加購「香港快運改票易」，同一張訂單入面嘅所有乘客都需要一齊加購，唔可以剩係加係個別人士
-
到真正改期時，只需補回票價同稅項差額就可以
【香港快運座位表全面升級】標準座位/前排座位/舒適空間座位全新劃分！揀位更清晰、更易揀！
Mark好咗日子去旅行，梗係想快人一步落機過關，衝返酒店放低行李就即刻開始玩！尤其係聖誕/新年旅行旺季，人人一齊過關搭車，場面逼到爆！坐前啲真係一落機就可以即刻衝出去排隊！
為咗配合唔同旅客嘅需要，HK Express全面更新座位表劃分，揀位變得更加清晰易明，彈性亦大增。
今次主要改動包括：
- 前排座位統一為第2–10排 (唔再因機型不同而有差異，揀位時一眼就認到，更加易識別！)
- 標準座位選擇更多
- 座位區域標示更清晰，一睇就知：邊區最快落機、邊區最舒服、邊區最抵坐
等大家可以按budget、落機速度、舒適度，揀返最啱自己嘅座位！
詳情：https://www.hkexpress.com/zh-HK/Plan/Extras/Seats
今次座位表升級，再加埋HK Express嘅「香港快運優先服務」同「香港快運優先服務＋」， 簡直係為快閃遊、趕時間、鍾意快過人落機嘅旅客而設！
優先辦理登機手續 + 優先登機 再配合 前排座位，無論你係想快啲落機過關定趕尾班車，都可以真正做到快人一步！
揀好位、加好「改票易」 ，當然唔少得買埋旅遊保險！ HK Express提供單次旅遊保 及 全年旅遊保，由今個星期三(12月10日)開始投保單次旅程除咗有6折優惠外，仲送$80俾你任揀位！
另外，「香港快運優先服務＋」仲包含航班延誤保障：只要所乘搭嘅HK Express 航班延誤達90分鐘或以上， 合資格乘客即可獲得：機場貴賓室通行證(6個月內免費進入指定環球貴賓室一次），或可選擇HK$80現金保障作為替代！
常見問題：
1.乜嘢係香港快運改票易(HK Express Flexi)？
「香港快運改票易」係 HK Express 新推出嘅附加服務。旅客可以喺 初次預訂時 以每位旅客、每航段HK$180加購。之後如需更改出發日期/時間一次，只需補回票價及稅項差額，毋須再支付原本HK$580嘅改期費，而且已加購嘅行李亦會一併帶到新行程。
2. 香港快運改票易(HK Express Flexi)係咪所有人都可以加？
可以，但只限於HK Express官網/手機App/微信小程序初次預訂時加購，之後不可補加。
3. 同一張訂單可唔可以淨係其中一位乘客加購香港快運改票易(HK Express Flexi)？
唔可以，同一張訂單內嘅所有乘客必須一同加購「香港快運改票易」。
4. 加購咗香港快運改票易(HK Express Flexi)之後，改期要畀咩費用？
改期一次時只需補返票價同稅項差額即可，無需再支付$580改期費；若新日子更低價則不設退款。
