Monthly Archive: January 2022

南洋酒店(South Pacific Hotel)快閃優惠又嚟！房內晚餐套餐+早餐，一晚連服務費$709起！仲可以雙重升級至尊尚客房！平日保證12pm入住，4pm退房，等你住足28個鐘！ (附小編住宿報告)內文有入住評價及體驗俾大家參考！【附多圖試住評價】

KLOOK 南洋酒店優惠

酒店地理位置都幾方便，喺銅鑼灣時代廣場行過去只係5分鐘！

今次入住酒店新裝修樓層嘅「雅尚客房」，房型四四正正，仲有個又大又闊嘅窗，夠曬光猛，最緊要好乾淨同新淨！

房內包咗2技水、咖啡同茶。

浴室同樣幾新淨！最特別係有個智能座廁~不過空間就唔算好大啦。

Package包嘅晚餐喺房內享用。小編揀咗招牌蘑菇忌廉湯做餐湯，主菜就揀咗法式香草燒春雞伴薯角及辣肉腸、蝦薄餅，份量都唔細，食物質素都唔錯。

早餐揀咗去酒店嘅柏斯餐廳享用，係半自助形式。

菜式選擇上有中式及西式，款式雖然唔算多，但都有點心拼盤、全日早餐、水果等等。味道上都係正常酒店發揮啦！

水吧位有茶、咖啡、果汁等，可以自己任拎任飲。

南洋酒店 (South Pacific Hotel)

• 地址：香港灣仔摩理臣山道23號
• 電話：2572 3838
• Map：https://goo.gl/maps/5QRw9XzYTbJdt6Nf8

尖沙咀千禧新世界香港酒店(New World Millennium Hong Kong Hotel) 回本食個夠！減肥？過埋年先啦！一個價包晒雙人自選午餐/晚餐+下午茶+自助早餐，入住一晚只係$1,300起！平日入住可享高達26小時住宿！仲有房內免費電影睇！住埋海景房都只係$1,500起！農曆新年假期同中西情人節都預訂得啦！

套票可以自選午餐/晚餐，晚餐會貴少少。想賺到盡就要揀食套餐啦！法國餐廳La Table French Brasserie晚餐有Prawn Cocktail、龍蝦忌廉湯、澳洲牛肉肉眼同千層酥，農曆新年同情人節仲會有節日dinner set，食多一道菜！另一個比較受歡迎嘅日本餐廳嵯峨野都係必試之一！一個午餐set原價都要$800起，晚餐最平都要成$1,200起，特別日子仲有升級menu，訂package真係抵好多！晚市禁堂食期間，所有晚餐set都會安排喺房內享用，變相可以喺無人打擾嘅環境下，兩個人靜靜地喺房食，又浪漫又舒適！另外仲有其他新春客房優惠，把握最後機會book定過肥年！仲有呀，今年咁啱情人節後一日就係元宵節，無論食中、日、法餐，都可以連續兩日同情人好好慶祝！

預訂網址：https://meethk.net/3I8Gwmg

官網 千禧新世界香港酒店 New World Millennium Hong Kong Hotel 優惠

「享‧饗」住宿禮遇：

• 入住高級客房一晚$1,300起，連服務費$1,430起
• 入住海景客房一晚$1,500起，連服務費$1,650起
• 週末入住貴$300起；新年等特別節日須另收附加費 (詳情請瀏覽酒店網頁)
• Café East雙人自助早餐
• 於客房享用兩位用下午茶套餐
• 自選兩位用午餐 或 晚餐
  – La Table French Brasserie 午餐Menu 晚餐Menu
  – 嵯峨野 午餐Menu 晚餐Menu
  – 桃里 午餐Menu 晚餐Menu
  – Café East 環球自助午餐
• 提早於1pm入住及延遲退房至3pm (只限星期一至四；視乎房間供應情況而定)
• 免費享用房內自選電影服務
• 餐飲8折優惠 (現有嘗薈餐飲會員或登記入住時註冊為嘗薈餐飲會員可享餐飲75折優惠) ；不適用於指定日子
• 一位3-11歲小孩，如入住聚賢薈客房/ 全新尊尚客房，可享免費自助早餐及加床一張*，如入住其他樓層，收費為$100+10% *聚賢薈豪華客房及尊尚豪華客房不設加床
• 另加小童自助午餐，收費為星期一至四每位$318+10%起; 星期五至日及公眾假期每位$368+10%起，並可享住客8折優惠。即場免費申請成為嘗薈餐飲會員更可享75折優惠。折扣優惠不適用於指定日子。

優惠日期：即日至2022年2月27日

入住日期：即日至2022年2月28日

預訂網址：https://meethk.net/3I8Gwmg

新年特別優惠：https://meethk.net/3KooGNW

千禧新世界香港酒店 (New World Millennium Hong Kong Hotel)

• 地址：香港尖沙咀東部麼地道72號
• 電話：2739 1111
• Map：https://goo.gl/maps/uzudpXguswDFxcBr7

下午茶套餐安排喺房慢慢歎~

法國餐廳La Table French Brasserie晚餐有Prawn Cocktail、龍蝦忌廉湯、澳洲牛肉肉眼同千層酥，農曆新年同情人節仲會有特別升級dinner menu，食多一道菜！

一個嵯峨野晚餐set有前菜、刺身、煮物、燒物、飯類、甜品，樣樣都好吸引！

新年想食返中菜可以揀桃里，應節又豐富，仲比平日多一道！

桃里午餐有成六道菜；晚餐就多一道，仲有鮑魚呀！

仲有24小時健身室可以免費使用！ (開放時間受香港特區政府就新冠肺炎疫情的最新頒令所影響)

嘩！8度海逸酒店(Harbour Plaza 8 Degrees)又有「負房價」優惠啦！入住一晚$1,098起，回贈返$1,200餐飲消費額！可以用嚟食自助餐/套餐/in room dining/外賣！即睇內文，教你點先可以用盡千二蚊！

weekend假日自助午餐兩個人連埋加一都係$897.6，食足2.5小時！依家自助午餐仲會延長到下午5點59分！鐘意既話仲可以食多餐全新皇牌芒果下午茶，兩位都只係$369.6，加埋只係補$67.2咋！平日可以揀半自助午餐，再再再抵啲，連埋加一$479.6，就算食多個下午茶都仲有$350剩，足夠買到酒店最出名嘅芒果拿破崙一磅(價值$308)㗎啦！拎走返屋企慢慢歎都得！又食又拎呀！想食晚餐？嗌in-room dining一樣抵食！外賣自取都可以用！A LA CARTE外賣可以嗌到大大隻美國生蠔、肉眼牛扒、各款中式小菜、甜品等等，總有一款啱你口味！

提提大家，如果想食自助餐嘅話，出發之前，記得打去餐廳留位先！

預訂網址：https://www.harbour-plaza.com/8degrees/tc/offers/offer-1299.html

愜意同遊住宿禮遇 – 送HK$1,200酒店消費額：

• 入住高級客房一晚$1,098起，連服務費$1,207.8起 (星期五/六/日/公眾假期$1,198起，連服務費$1,317.8起)
• 住宿期內每日港幣$1,200餐飲消費額 (不能累積)
• 免費無線上網
• 免費享用酒店健身中心、室外游泳池
• 免費房內咖啡 / 茶沖調設備
• 免費酒店穿梭巴士來往港鐵黃埔及紅磡站、以及尖沙咀區
• 住房升級附加費：豪華客房 港幣$150+；套房 港幣$800+

入住日期：即日至2022年6月30日

預訂網址：https://www.harbour-plaza.com/8degrees/tc/offers/offer-1299.html

新一年有全新2022皇牌芒果下午茶！主打各式芒果甜品，甜入心！

假日自助午餐用餐時間延長至下午5時59分，並會繼續呈獻超過70款菜式，自助午餐設有即開生蠔、海鮮冷盤、刺身區、現場切肉、現煮食品、仲有超過十五款熱葷同甜品區！

仲有Haagen-Dazs及Movenpick雪糕任食！輕鬆食到回本！

如果有消費額剩，可以考慮訂個酒店得獎甜品 – 芒果拿破崙蛋糕𠻹！可以拎埋返屋企歎！

食肉獸最愛！歎慢煮和牛、豬排骨、燒春雞！灣仔諾富特世紀酒店(NOVOTEL CENTURY Hong Kong) 抵價staycation優惠！烤肉拼盤晚餐+早餐，升級高級客房一晚連服務費$858起！情人節入住加$170咋！精選紅酒一瓶及買一送一自助餐券！平日享27小時住宿！另外仲有情人節正日唔洗一千入住嘅package，限量搶升級套房+房內早餐+Le Café咖啡廳自助午餐 / 於Pepino意大利餐廳半自助午餐，一晚連服務費$989起！免費享用房內迷你吧！

KLOOK 諾富特世紀酒店 NOVOTEL CENTURY 優惠

【情人節抵Deal】Grill & Chill住宿套餐：

• 二人升級入住高級客房一晚連服務費$858起 (逢星期六及2月13-14日入住貴$170起)
• 房內享用2人份烤肉拼盤晚餐：香芒牛油果魷魚沙律、韓式燒伊比利亞豬排骨、日式醬燒慢煮和牛、法式松露醬燒春雞、泰式香茅燒大蝦、特濃朱古力蛋糕
• 於 Le Café 咖啡廳享用雙人美式早餐
• 保證提前12nn入住及延遲退房至3pm (適用於星期一至星期四入住，公眾假期及前夕除外)
• 生日月份入住可享免費生日切餅一件 (需提前 3 天聯絡酒店預訂並以酒店確認為準)
• 精選紅酒一瓶及買一送一自助餐券

優惠日期：2022年2月12日9pm至2月18日

入住日期：2022年2月12日至2月28日

預訂網址：https://www.klook.com/zh-HK/activity/45744-1-night-stay-novotel-century-hong-kong/

【情人節抵Deal – 限量搶】升級至套房+房內早餐+自助餐：

• 二人升級入住套房一晚連服務費$989起 (4月15至18日入住貴$200起)
• 房內享用雙人早餐
• 於Le Café咖啡廳享用雙人自助午餐 / 於Pepino意大利餐廳享用半自助午餐
• 入住期間可免費享用房內迷你吧

優惠日期：2022年2月12日9pm至2月18日

入住日期：2022年2月12日至4月30日

預訂網址：https://www.klook.com/zh-HK/activity/45744-1-night-stay-novotel-century-hong-kong/

KKday 諾富特世紀酒店 NOVOTEL CENTURY 優惠

官網 諾富特世紀酒店 NOVOTEL CENTURY 優惠

香港諾富特世紀酒店 (NOVOTEL CENTURY Hong Kong)

• 地址：香港灣仔謝斐道238號
• 電話：2598 8888
• Map：https://goo.gl/maps/dNGfxYpf8BnZ57M89