好消息！HK Express新增手提行李加購選項！買咗「輕便飛」/「隨心飛」嘅乘客而家可以後加登機行李啦！
由2025年8月12日起，HK Express新增手提行李加購選項！
無論你本身買咗「輕便飛」定「隨心飛」，依家都可以後加登機行李(合計隨身物品可帶高達7KG)，行李安排更彈性，唔怕臨時計劃有變！
大家有無試過：
– 一心諗住孭個背囊就搞掂，點知越pack越多，想拎多個hand carry都唔得
– 買咗啲唔可以寄艙嘅「寶貝」，但係又超過咗隨身物品嘅size
– 去到機場先發現想check-in前加登機行李帶多啲嘢/買少少手信
HK Express而家有得後加登機行李，以上問題可以一一解決！
由2025年8月12日起，HK Express新增手提行李加購選項！買咗「輕便飛」同「隨心飛」嘅乘客可以喺管理我的訂位(初次預訂後)、網上預辦登機、客戶聯繫團隊，或機場辦理登機櫃枱加購登機行李－合計隨身物品可帶高達7kg(留意並不適用於閘口加購)！於管理我的訂位(初次預訂後)加購登機行李每程低至HK$100。
呢個加購選項啱晒啲買咗「輕便飛」/「隨心飛」，之後想加多件登機行李嘅朋友！
提提大家，如果一早知道需要登機行李嘅話，小編建議訂票時直接買包登機行李嘅票種，即係「經濟飛」同「無憂飛」，會抵啲！如果要後加登機行李，就建議係「管理我的訂位(初次預訂後)」到加。
加購價錢雖然唔算話好平，不過就絕對抵過唔小心買多咗嘢罰錢嗰舊錢。當你回程先發現行李唔小心oversize，真係執唔到要即刻上網加購登機行李，價錢都叫平過加多件寄艙行李！
大家記得留意返，後加嘅登機行李重量並非額外7kg，係隨身物品+登機行李合計7kg！大家記得唔好超重/多過一件登機行李呀！
想知更多詳情，即睇下文！
4大票價種類：
- 輕便飛(一件隨身行李*)：
- 每位旅客可攜帶一件隨身物品*登機
- ***New*** <可以後加>一件登機行李^
- 寄艙行李需另行預訂
- 經濟飛(一件隨身行李+一件登機行李^)：
- 每位旅客可攜帶一件隨身物品*及一件登機行李^
- 寄艙行李需另行預訂
- 隨心飛(一件隨身行李*+一件20kg寄艙行李⁺)：
- 每位旅客可攜帶一件隨身物品*登機 (例如小型手袋、手提電腦包、小型背包及相機袋)
- ***New*** <可以後加>一件登機行李^
- 包1件20kg寄艙行李⁺
- 無憂飛(一件隨身行李*+一件登機行李^+一件32kg寄艙行李⁺)：
- 每位旅客可攜帶一件隨身物品*及一件登機行李^
- 包1件32kg寄艙行李⁺
- 標準座位選擇
^【全新】登機行李規定：
自上年票價種類更新後，大家需要購買「經濟飛」/「無憂飛」先可享有1件登機行李，由2025年8月12日起，購買「輕便飛」/「隨心飛」都可以喺管理我的訂位(初次預訂後)、網上預辦登機、客戶聯繫團隊，或機場辦理登機櫃枱加購登機行李！留意無論邊個形式購買登機行李，隨身物品+登機行李合計總重量上限為7kg。
- 「輕便飛」/「隨心飛」：可於管理我的訂位(初次預訂後)、網上預辦登機、客戶聯繫團隊，或機場辦理登機櫃枱加購登機行李
- 登機行李必須能放入座位上共用置物櫃及不超過56(長)x36(寬)x23(高)cm (22吋 x 14吋 x 9吋)
- 隨身物品+登機行李合計不超過7kg
真係有需要後加手提行嘅話，小編建議喺管理我的訂位(初次預訂後)到加(單程HK$100)，價錢會平過online check in/機場check in時加！去程/回程同樣可以加購，對於臨時發現行李超出尺寸嘅朋友嚟講，依家有得後加手提行李，唔使再驚被罰！
行李費用：20250812_Baggage_Fees_ZHHK.pdf
*隨身物品規定：
- 每位旅客可攜帶一件隨身物品登機，例如小型手袋、手提電腦包、小型背包及相機袋
- 隨身物品必須放入前方座位下方及不超過40(長)x25(寬)x20(高)cm (15.7吋 x 10吋 x 8吋)
- 不超過7kg
⁺寄艙行李規定：
由2024年5月8日起，所有寄艙行李費用將以按件收費計算，並且提供2個重量選擇(1件20kg/1件32kg)，每位旅客可於網上為其預訂添加最多2件寄艙行李，而行李額度不能共享或轉讓給其他旅客！
- 「隨心飛」/「無憂飛」包1件寄艙行李(隨心飛1件20kg /無憂飛1件32kg)
- 「輕便飛」/「經濟飛」不包寄艙行李，需另行預訂
大家可以喺初次預訂、管理我的訂位或網上預辦登機手續時單獨購買最多2件寄艙行李！
行李費用：20250812/20250812_Baggage_Fees_ZHHK.pdf
超額行李費用：
- 超出重量限制的行李將被收取HK$120/kg的費用，單一行李重量不能超過32kg
閘口行李費用：
於機場禁區內購買嘅商品亦會計算在手提行李7kg內，超出限制嘅手提行李以每件HK$800*計算！
- 超出限制的手提行李及隨身物品將改以閘口行李收費並以每件HK$800*計算。
*超出尺寸/數量/重量限制手提行李及隨身物品行李將需要寄艙，所有閘口行李必須符合寄艙行李尺寸及其重量不能超過32公斤。 - 剩餘的寄艙行李額不能用於減免行李額/費用
- 航空公司不會於登機閘口安排提取已寄艙行李的服務。
常見問題：
問：幾時可以開始後加登機行李？
答：由2025年8月12日起開始實行！
問：所有票價種類都可以後加登機行李嗎？
答：不是，只有「輕便飛」及「隨心飛」才可以後加，其他票價種類已經包括登機行李。
問：預訂機票後在可以如何後加登機行李？
答：可以喺管理我的訂位(初次預訂後、網上預辦登機、客戶聯繫團隊同機場櫃枱(僅限辧理登機櫃枱)後加登機手提行李！
問：後加登機行李是額外7kg嗎？
答：不是，無論邊個形式購買登機手提行李，隨身物品+登機行李合計都不可超過7kg
問：我可以攜帶多少件寄艙行李？可以與同行旅客分享或轉移行李限額嗎？
答：由2024年5月8日起，所有寄艙行李的費用將按件計算。行李額度不能共享或轉讓給其他旅客。如有需要，旅客可以在網上為其預訂添加不超過2件的寄艙行李額。 如需加購寄艙行李，請直接到機場櫃檯辦理，並支付其額外費用。
問：我可以於網上為現有的預訂加購寄艙行李嗎？
答：每位乘客可以為其預訂添加最多兩件寄艙行李。如果你透過香港快運網站或應用程式進行預訂，你可於初次預訂、管理我的訂位或網上預辦登機手續時按照需求選擇單獨購買。
問：機場禁區內購買嘅商品會點計？
答：機場禁區內購買的商品亦會計算在手提行李7kg內，超出限制的手提行李及隨身物品將改以閘口行李收費並以每件HKD800*計算。
