精選主題Staycation懶人包！ViuTV全新節目《今晚瞓酒店》話你知好食好玩好chill嘅香港酒店！率先預告節目中嘅幾個精彩特色內容！即睇有咩推介！
小編之前有同大家update香港酒店嘅staycation優惠～
但到底每間酒店有咩特色？附近仲有咩玩？今次就等ViuTV嘅全新節目《今晚瞓酒店》話你知！
8月10日起逢星期一至五晚上11:00 ViuTV《今晚瞓酒店》將會介紹多間具特色嘅香港酒店～
無論你係鍾意親親大自然，定想一家大細一齊去玩都冇問題！????就等小編同大家率先預告節目中將會介紹嘅幾個精彩特色內容啦！
再嚟睇埋節目介紹嘅「宅度假」攻略，等疫情好轉，為你嘅完美staycation盡情計劃！
播出頻道： ViuTV 99台
播出日期︰ 8月10日起 逢星期一至五 晚上11:00
主持：林婷、Emily、Edan、Dixon
「宅度假」攻略：https://bit.ly/2Pnq9ZR
至Chill首選！與陽光海灘過Staycation！
想享受陽光與海灘～西貢白沙灣就啱晒啦！節目第一集就入住西貢The Pier Hotel嘅海景房，可以睇盡白沙灣嘅無敵大海景！
酒店周邊都有唔少嘢玩，野外露營及海上活動都有，例如浮潛、獨木舟、龍舟等！
去埋橋咀島都係10分鐘嘅船程，行連島沙洲打卡影相一流！仲可以瘋狂食西貢最出名嘅海鮮添呀！
地址：西貢白沙灣街9號
————————————————
盡享家庭樂！大人細路都啱玩
準備一家大細出發嘅你，依間就啱哂你！黃金海岸酒店設有8款主題客房，包括極速快車、嘉年華會、香港電車、公主、太空、恐龍、森林及海盗，小朋友一定鍾意！
酒店仲有多項親子活動，例如飛天鋼索、戶外駕駛樂、黃金海岸農莊等，更有圍繞酒店戶外花園行走嘅兒童小火車，讓小朋友盡情放電。
又可以到附近嘅黃金海岸海灘行下，或者到咖啡灘海邊BBQ都唔錯呀！一家大小都十分適合的假日活動！
地址：掃管笏青山公路青山灣段1號 黃金海岸1 號
————————————————
預埋你嘅寵物過一個至歎假日！
去旅行想帶埋寵物好難～不過喺香港就唔洗頭痕啦！想寵物同主人都玩得盡興，節目介紹嘅美利酒店千祈唔好錯過！寵物唔只可以入住，仲可以室外一齊high tea，好chill呀～酒店位於中環，仲可以乘坐纜車到山頂，俯瞰香港景色！
地址：中環紅棉路22號
