【香港迪士尼樂園度假區酒店2晚起奇妙住宿優惠】抵呀！限時即搶！暑假三日兩夜「偽旅行」！一家大細(兩大兩小)連住2晚香港迪士尼樂園酒店/迪士尼探索家度假酒店平均每晚港幣$810起*！

Published May 26, 2021 · Updated May 26, 2021

嘩！最平港幣$810*一晚！暑假有地方好去啦！去唔到旅行，但去香港迪士尼一樣咁精彩！兩間香港迪士尼酒店推出咗奇妙住宿優惠！連住兩晚或以上即享6折優惠！房間可以兩大兩小入住！小編搵到迪士尼探索家度假酒店最抵價平均每晚港幣$810起*！迪士尼探索家度假酒店仲比上次優惠平咗好多！重點係呢個價俾到兩大兩細入住，淨係呢點已經唔係間間酒店可以做到！計返一個人每晚都係二百蚊左右！今個暑假可以一家大細去迪士尼玩轉三日兩夜奇妙「偽旅行」！小編就plan咗個三日兩夜嘅trip，喺酒店盡情探索遊玩之餘，再入埋樂園玩番日！酒店仲有新嘅工作坊同大大小小嘅打卡位介紹！即睇下文啦！

香港迪士尼樂園度假區酒店2晚起奇妙住宿優惠

香港迪士尼樂園酒店／迪士尼探索家度假酒店：

2晚起奇妙住宿優惠 (入住兩晚或以上實時房價6折優惠)：
兩大兩小(11歲或以下)連續入住兩晚標準客房，平均每晚港幣$810起，連服務費$891起*
兩大兩小(11歲或以下)連續入住兩晚海景客房，平均每晚港幣$930起，連服務費$1,023起*
提提大家，香港迪士尼樂園酒店 (Hong Kong Disneyland Hotel) 優惠唔適用於星期六入住
迪士尼探索家度假酒店(Disney Explorers Lodge) 優惠暑假期間平日入住都適用
優惠只供持有有效香港身份證的香港居民享用

優惠日期：即日至2021年6月8日

香港迪士尼樂園酒店入住日期：2021年5月27日至11月29日 (不適用於星期六)

迪士尼探索家度假酒店入住日期：2021年5月28日至11月29日 (7月15日至8月29日暑假期間適用於星期一至日入住，7月15日前主要集中於星期五至日、公眾假期及前夕，大家可以上官網search下)

預訂網址：https://www.hongkongdisneyland.com/zh-hk/offers-discounts/limited-time-room-offer-hk/

小貼士：記得預訂要分別撳返唔同酒店check日子同價錢呀！酒店booking system唔可以一次show晒兩間酒店價錢，所以要分開撳呀！

*優惠只適用於2021年5月27日至11月29日期間之指定日子入住。實際優惠價格將按入住及退房日期、酒店及房間類型、入住人數及於預訂時計算之房間現行定價而定。受條款及細則約束。詳情請瀏覽 www.hongkongdisneyland.com。

小編三日兩夜迪士尼「偽旅行」行程分享

Day 1

地點：香港迪士尼樂園酒店 / 迪士尼探索家度假酒店

第一站

迪士尼樂園度假區酒店可以喺3點鐘check-in，不過小編有個小tips！大家可以早少少去，就算未有房都可以先到酒店寄存行李，再喺酒店附近影吓相打吓卡，玩完再拎房都得㗎！

第二站

今年咁啱係香港迪士尼樂園15周年嘅大日子，喺華特餐廳同翠樂庭餐廳都可以食到「香港迪士尼樂園15周年下午茶敍」，有8款咸甜點+兩杯特飲！

重點係唔少茶點都有隱藏米奇！小朋友開心之餘，大人都可以瘋狂打卡！

第三站

食飽飽就可以到酒店各個地方影相打卡！香港迪士尼樂園酒店嘅建築猶如維多利亞式華麗宮殿，加埋出面嘅花園迷宮，直情可以當自己去咗轉歐美；迪士尼探索家度假酒店嘅度假風更勁，充滿熱帶風情，房間同庭園以亞洲、大洋洲、南美洲及非洲為主題，可以當正自己去咗環遊世界探險！

香港迪士尼樂園酒店以米奇為靈感嘅經典英式花園迷宮，由高處望落有個隱藏米奇！

迪士尼探索家度假酒店成間酒店都呈現出熱帶地區嘅風情，由裝修到擺設都好有度假嘅感覺！

第四站

影完相返房抖抖，大概7/8點就可以到餐廳食晚飯，如果食咗個tea覺得太飽，小編建議到迪士尼探索家度假酒店嘅星航圖咖啡廳享用輕食～又或者到香港迪士尼樂園酒店嘅翠樂庭餐廳，有環球美食提供，可以一至兩個set幾個人share食又得！weekend(至8月1日)仲有返半自助餐供應，用餐期間迪士尼朋友仲會出嚟同大家見面！