【免費機票攻略】嘩！AirAsia送免費機票！一連兩日Fly AirAsia「喜細飛」！免費請你飛曼谷/布吉/清邁/吉隆坡/沙巴/檳城/ 馬尼拉！仲有AirAsia機票折扣券等其他限量禮品！

嘩！又有送機票活動！今次輪到AirAsia送免費機票啦！

連續14年榮獲Skytrax全球最佳低成本航空公司嘅AirAsia將會喺11月25、26日一連兩日於旺角The Forest舉辦《體驗細心位；一起喜細飛》活動

重頭戲當然係有免費機票送啦，等大家可以一齊起勢係咁飛！

免費機票航點包括曼谷、布吉、清邁、吉隆坡、沙巴、檳城、馬尼拉7個AirAsia香港直飛航點！

想知事前有咩要準備？咁就一定要留意小編嘅攻略啦！

今次免費機票會以先到先得嘅方式送出！每日都有一定數量免費機票名額！

11月25、26日10:30am就會開放俾大家排隊輪侯籌號，工作人員會喺中午12:30開始以先到先得方式派發籌號！大家記得預早download定airasia Superapp，未係會員就記得登記咗先，會員先可以參加活動呀，咁就可以慳返啲時間啦！

除咗免費機票外，仲有【細】聲說旅遊故事，玩法好簡單！參加者登上「細心位」，用錄音裝置記錄旅遊心聲，完成任務就有一系列AirAsia限量禮品同東南亞特色紀念品等大家拎 (包括機票折扣券同其他精選禮品) ！

活動期間仲有唔同嘅表演睇！有專程由馬來西亞而嚟嘅AirAsia空姐【細】型表演同泰國旅遊局 x AirAsia嘅泰國傳統舞蹈表演，帶你感受東南亞多元特色文化！

睇完show唔好走住！記得去埋【我好想飛】大型3D字句同AirAsia空姐打個卡，與身邊朋友分享你嘅心聲！

活動日期：2023年11月25日(星期六)及11月26日(星期日)

活動地點：旺角THE FOREST地下廣場

活動時間：12pm-6pm

活動網站：https://air.asia/QDcY7 

AirAsia依家喺香港同澳門地區每星期有多達136班嘅直航航班！航線目的地包括吉隆坡、亞庇(沙巴)、檳城、曼谷、清邁、布吉同馬尼拉！除咗直航，AirAsia喺曼谷(廊曼)同吉隆坡都有提供FLY-THRU轉接服務，連接國際航班嘅旅客可以唔駛辦理入境手續，亦都無須拎行李再重新check in！AirAsia可以話係飛東南亞嘅專家！

嚟緊AirAsia仲會加密現有港澳13條直航航線班次，仲有將於12月14日起啟航嘅香港往返吉隆坡AirAsia X 新航班，以A330執飛，客機空間大咗、座位多咗，仲設有商務艙，可以坐住豪華平躺座椅訓住飛！好期待會有更多平飛介紹俾大家！

---

《體驗細心位，一起喜細飛》送機票活動：

活動一：巨型【細心位】- 完成簡單任務贏單人來回機票一套

完成以下步驟可以登上「細心位」，完成簡單任務即可贏取一套單人來回免費機票*

• 步驟1：籌號輪候開放時間為上午10:30，工作人員將於每日中午12:30，以先到先得的方式派發籌號 (每日限量名額)
• 步驟2：下載 airasia Superapp，登記並註冊帳戶
• 步驟3：參加者憑籌號登上「細心位」拍個人照，並發佈於社交媒體(Facebook/Instagram) 及加上指定標籤 (#AirAsia #細心位)
• 步驟4：參加者成功回答一條簡單問題即可選擇機票航點換取免費機票！數量有限，依籌號順序優先選擇。

*航點包括吉隆坡，亞庇(沙巴)，檳城，曼谷 (廊曼)，清邁，布吉，馬尼拉。先到先得，送完即止。每位參加者只可獲最多一套來回機票。

活動二：【細】聲說旅遊故事 – 完成簡單任務贏AirAsia限量禮品

完成以下3個步驟可以登上「細心位」，再完成簡單任務即可獲得AirAsia限量禮品及東南亞特色紀念品 (包括機票折扣券及其他精選禮品)

• 步驟1: 下載 airasia Superapp，登記並註冊帳戶
• 步驟2: 參加者登上「細心位」，用錄音裝置記錄旅遊心聲
• 步驟3: 完成以上步驟之參加者即可贏取活動禮品

活動三：AirAsia機組⼈員【細】型表演

當日可以欣賞專程由馬來西亞而來的空姐以AirAsia方式跳舞，透過舞蹈表演帶你感受東南亞多元嘅特色文化。

表演時間：每日3pm及7pm

活動四：泰國旅遊局 x AirAsia – 泰國傳統舞蹈表演

泰國旅遊局 x AirAsia合辦泰國傳統舞蹈表演，旨在宣揚當地傳統文化，展現出泰國熱情奔放嘅民族性！

表演時間：每日4pm

活動五：【我好想飛】攝影區

同巨型【我好想飛】3D字句拍照打卡，同身邊朋友分享你嘅心聲！