【新西蘭航空】最新機艙體驗：Skynest睡眠艙、升級版豪華經濟艙、Business Premier Luxe商務艙、新制服

新西蘭係人生必去Bucket List嘅目的地之一！搭新西蘭航空直飛奧克蘭就最好啦！

而新西蘭航空繼推出大獲好評嘅Skycouch空中梳化，早前更發布咗多個全新機艙體驗，當中非常矚目嘅有全球首創嘅經濟艙Skynest睡眠艙，另外仲有升級版豪華經濟艙 (Premium Economy) 同埋Business Premier Luxe商務艙！

與此同時，新西蘭航空相隔15年推出新制服！小編就飛咗去奧克蘭，參觀Hanger 22研發中心，同直擊新制服發布會，一齊睇吓有咩升級體驗啦！

Skynest 空中睡眠艙

搭經濟艙都可以瞓到好似喺酒店咁舒服！雖然每節限時4個鐘，但私隱度十足，可以深層睡眠，落機即刻滿血復活，同時差講byebye！

• 瞓覺專區設於豪華經濟艙同經濟艙之間
• 全平躺！獨立睡眠艙設計，私人空間Max！
• 設6個舒適臥艙，長203cm、闊58.4cm，可以盡情伸展！
• 每位經濟艙乘客可以加錢預訂一個4小時時段，每個睡眠艙容納一人
• 基本配備齊全：標準尺寸枕頭、床單、毛毯、耳塞
• 完善設計：獨立閱讀燈、USB插座、通風口
• 柔和睡眠模式燈光，幫你快速入睡！
• 備有專屬安全帶，可以安心瞓覺，唔怕有氣流
• 陸續加入全新及改裝嘅787-9夢想客機
• 預計將於2026年3月登場

Skycouch 空中梳化

可以幾乎瞓足全程！雖然私隱度較Skynest低，但就好在可以2個人一齊瞓。

• 一個價錢坐三個位！唔洗坐business class都有得躺平！
• 變身豪華大床！起飛後空中服務員幫你set床，想點瞓就點瞓！
• 親子旅行首選！大人可以同小朋友一齊瞓，仲有足夠空間伸展玩樂，長途機都唔怕小朋友悶
• 任飲新西蘭靚酒！包咗經濟艙嘅晚餐同早餐，歎4款新西蘭產葡萄酒，仲有唔同嘅果汁、汽水、茶、酒品同小食，需要時喺螢幕點餐就有

豪華經濟艙 Premium Economy

空間更大更貼心！而且座位後方設硬背設計，想挨低瞓覺都唔洗怕影響到後面嘅乘客！而且頭部位置有延伸設計，個頭有得挨住側邊就更舒適啦！

• 增加空間！座椅寬19吋，後方有硬背設計，可以盡情挨低瞓覺，唔怕影響到後面嘅乘客
• 個頭唔洗擺來擺去！頭部位置有延伸設計，有得挨住側邊瞓
• 螢幕同摺疊餐枱都增大！提升睇戲同用餐嘅舒適度

Business Premier Luxe

商務艙天花板？！商務艙中只有4個Business Premier Luxe，Business Premier更上一層樓比，提供頂級舒適享受！

• 升級可趟門嘅獨立房間設計，私隱度大大提升！
• 浪漫Double Up！大到可以容納2個人喺入面舒舒服服咁撐枱腳
• 高級設備齊全！設無線差電位，亦增加咗儲物空間
• 舌尖上嘅空中盛宴！ 由名廚精心炮製嘅精緻美食，搭配新西蘭醇美佳釀
• 預計將於2025年5月登場

全新制服登場

由出生於新西蘭，後移居至英國嘅世界知名設計師 Emilia Wickstead，聯同毛利Tā Moko (面部刺青) 藝術家 Te Rangitu Netana一齊打造具毛利文化氣息嘅全新制服，款色更尊重多元文化，設計令人耳目一新！

• 新制服象徵新西蘭文化同歷史，當中運用到手繪嘅銀蕨、Huia羽毛、Matariki星星等毛利文化中別具意義嘅圖案，結合毛利文化同新西蘭自然特色元素
• 主打服飾：機組人員同地勤人員嘅洋裝（The Fine Print – Dress）、不分性別嘅襯衫（Shirt for Anyone）、太平洋地勤人員嘅裙褲（ie faitaga），每件都有獨特嘅印花同創新設計元素！ 
• 逾6000名員工不論性別、體型或文化背景，都有適合嘅款式穿著，展現對多文化嘅尊重
• 採用多種環保物料，貫徹可持續發展理念