【德國自駕遊攻略】玩轉德國！必睇德國法蘭克福自駕路線推介+實用注意事項！仲有Avis快閃租車高達85折優惠！

Published August 21, 2025 · Updated August 21, 2025

想試下歐洲自駕初體驗？德國就啱晒你！公路規劃齊全，停車設施又夠完善！仲可以體驗高速公路，無限速區段時速可達200公里！

今次小編推介由德國最多航點同航班嘅法蘭克福機場出發，開車向西就可以沿住萊茵河慢慢欣賞沿途城堡；如果向東行，就可以玩到浪漫之路最靚嘅景點—羅藤堡，簡直係喺童話入面先見到嘅畫面！

除咗會分享德國自駕小貼士之外！點少得租車優惠！Avis全新快閃租車優惠，只要輸入指定優惠碼，喺歐洲、亞太區、北美、非洲同中東租車，即享高達85折優惠！

準備去旅行又想感受自駕樂趣嘅你，千祈唔好錯過啦！Let’s Go～

預訂歐洲、亞太區、非洲及中東租車，輸入AWD優惠碼：E879600，即可享高達85折租車優惠！
預訂美國及加拿大租車，輸入AWD優惠碼：E853499，即可享高達85折租車優惠！

優惠日期：即日至2025年9月8日
取車日期：即日至2025年12月15日

立即預訂：https://one.avisworld.com/zh_TW/AvisHongKong/

【路線一／萊茵河及莫瑟爾河城堡打卡遊】

萊茵河 (River Rhine) 可以話係德國西邊最出名嘅河流！由法蘭克福西邊市郊一路去到科布倫茲 (Koblenz) 嘅 65 公里河段，就係聞名世界嘅「萊茵峽谷區」！喺2002年6月就被列入世界文化遺產，靚景保證冇得輸～

至於莫瑟爾河 (River Moselle) 就係連接科布倫茲同特里爾 (Trier) 嘅另一段河谷。呢兩條河流嘅區域，全部都係德國超級出名嘅葡萄酒產區！沿住彎彎曲曲嘅河谷斜坡，你會見到滿山都係種住德國皇牌品種Riesling嘅葡萄園。

仲有，河谷山崗之間屹立住十幾座各有特色嘅古典城堡，有啲已經改造成高貴餐廳/旅館，比你體驗貴族風；有啲就變成觀光景點，可以買飛入去聽導賞，之後喺周邊影靚相打卡，完全唔覺得悶！

萊茵峽谷區彎彎曲曲嘅河道，再加上山坡上葡萄園+城堡，真係超靚！

位於莫瑟爾河嘅科赫姆城堡已經化身成展覽館，可以比大家一窺昔日城堡嘅內貌！

科布倫茲特里爾雙城遊

想暢遊萊茵河+莫瑟爾河，最少要預三日左右慢慢玩！上面提過嘅科布倫茲 (Koblenz) 同特里爾 (Trier) 就係好正嘅落腳點！科布倫茲啱啱就係兩河交匯嘅位置，仲有象徵德國統一嘅著名景點德意志之角。舊城區小巷有好多特色小店，仲可以一邊欣賞兩河景色！留一兩日都值回票價～

科布倫茲正正係萊茵河+莫瑟爾河之間交匯處，一次過可飽覽兩河唔同景色～

至於特里爾就更加勁！呢度以前係羅馬帝國重要城市，留低咗好多羅馬時期遺跡，仲被列入世界文化遺產，歷史可以追溯超過2,000年！而且特里爾仲係思想家馬克思 (Karl Marx) 嘅故鄉，市內有佢嘅博物館同中國送贈嘅雕像，鍾意歷史+宗教文化嘅朋友必去！

特里爾嘅舊城區羅馬建築古跡處處，被譽為德國最古老城市之一！

【路線二／德國浪漫之路】

講到德國嘅主題公路，出名嘅有童話大道、古堡大道，但最最最聞名嘅一定係浪漫之路 (Romantic Road) ！浪漫之路會經過好多德國最靚嘅地區，而當中最標誌性嘅小鎮，就係同古堡大道重疊嘅羅騰堡 (Rothenburg ob der Tauber)。

羅騰堡意思係「陶柏河上的羅騰堡」，係德國最知名嘅中古世紀小鎮，距離法蘭克福大概兩個鐘車程。因為公共交通唔太方便，反而變成咗自駕遊必到嘅景點！

嚟到羅騰堡，第一件事就係由佢嘅環形城牆行一圈，由高位望落去，全鎮彩色小屋加埋紅瓦屋頂，真係靚到震！之後可以去舊城區主廣場逛吓，嗰度有間全年 365 日都開門嘅聖誕手工飾品店，好啱買手信；行到攰嘅話可以去cafe坐低，試埋當地獨有嘅傳統甜品雪球 (Schneeballen)，酥脆甜美～

最後當然唔少得去羅騰堡最著名地標Plönlein 打卡！聽講迪士尼1940年動畫《木偶奇遇記》都喺度取過景，而呢度亦係浪漫之路明信片上嘅指定美景！

Plönlein係羅騰堡必到打卡點，亦係德國浪漫之路最常見代表地標！

Käthe Wohlfahrt係當地著名聖誕飾品店，全部由自家工匠製作，勁有特色！

如果行程夠充裕！一定要去埋係法蘭克福同羅騰堡之間嘅烏茲堡 (Würzburg)，嚟個半日遊！

烏茲堡係浪漫之路嘅起點，地標老美茵橋(Alte Mainbrücke)配埋舊城教堂嘅景色，好有Feel，仲有啲似捷克布拉格嗰種浪漫味道～加上巴洛克風格嘅烏茲堡宮殿 (Residenz Würzburg)，如果啱啱撞正黃葉滿天嘅金秋季節，一幕幕真係靚到不得了，浪漫值可以話係爆燈！

前往羅騰堡嘅路上，浪漫之路起點嘅烏茲堡絕值係必去！

德國自駕遊注意事項：

無限速公路

德國以「無限速公路」聞名，相信大家一場來到德國自駕遊都想體驗下！唔洗曬時間左搵右搵，其實主要高速公路(德語：Autobahns)，都有機會分段設置「無限速」路段。當你睇到時速路牌會轉為無數字嘅黑白色斜間，即係已進入「無限速」路段。

於高速公路上睇到呢個標誌，即係已進入無限速」路段，但同時要注意變回有限速嘅指示。

其他道路方面，高速公路最高時速為130km/h，於支線接合路線減速至100km/h；主要公路最高速則為100km/h，市內會減班50km/h。然而，德國超速罰款由高速公路超速不到10km/h的20歐元，至城內超速超過70km/h的680歐元不等，而且更會停牌3個月。

2024年嘅超速指引，但大家最好別以身示法！

收費公路

大家喺德國自駕時可以放心，德國係無任何私家車收路路段，而且高速公路上設置了大大小小嘅休息+服務站，目的係鼓勵已駕駛100km或已2小時嘅司機休息吓，建議大家也多多善用～

入油建議

德國高速公路上面嘅油站油價會比較貴，建議大家可以盡量避免喺高速入油！仲有，週末入油通常都會比平日貴啲，所以要預早計劃好。有啲自助無人油站只收有PIN碼嘅信用卡，如果你張卡冇設定PIN嘅話就可能用唔到，所以出發前最好準備定，免得到時手忙腳亂～

歐洲有唔少自助油站，有啲會係人手繳費，有啲只接受Pin碼信用卡，記得出發前先準備下！

市內泊車

於有藍色標誌「P」字嘅停車處可以運用租車時已配置附有時間轉盤嘅停車證，撥至開始停車嘅時間，就可享有指定時間內的免費停車！仲有，喺德國車輛靜止超過3分鐘即視為停車。然而，違反停車規定將處以10歐元至35歐元不等嘅罰款，取回被扣押車輛嘅費用最高可達300歐元！

意外救助

如不幸遇到意外或緊急情況，可以至電110聯絡警方、112聯絡救護+消防隊，希望大家唔會用到啦！

汽車保險大不同

為咗安全起見，汽車保險都係好重要嘅一環。雖然喺啲非官方網站或者租車平台租車，都會有汽車保險配備，但未必一定係租車公司提供嘅，有機會係其他保險公司提供。如果不幸發生意外或者損傷，有機會要先俾錢，之後再向有關租車平台攞返。不過，揀租車公司提供嘅汽車保險就可以即時提供相應保障，免卻好多行政上嘅麻煩。除咗汽車需要買保險，「人」都極之需要，所以可以承保你對其他人、其他人財產或者車輛造成嘅損害或傷害嘅第三方責任保險Third Party Liability(TPL)，極力推介大家選購！