【Club Med陽光之旅高達7折快閃優惠】一家大細歎真正零煩惱陽光假期！馬爾代夫/布吉/石垣島/印尼民丹島/馬來西亞陽光與海灘度假村！一價全包海島假期住宿連三餐+水上/陸地活動！首30個預訂送Mustela防曬護理套裝！

想趁暑假同小朋友飛去海邊放電，同時又比自己真正休息吓？Club Med精緻一價全包式假期就啱晒一家大細！住宿、每日三餐、全日Free-flow飲品、指定水上及陸地活動、娛樂表演、兒童俱樂部等一take過安排好，小朋友可以盡情玩樂，大人就可以放低行程煩惱，安心享受陽光、海灘同難得嘅度假時光。簡單講，只要揀好目的地，book埋機票，帶住Passport、行李同好心情出發就得！

預訂網址：https://www.clubmed.com.hk/o/sunflashsale
預訂熱綫：+852 3856 0468

Club Med陽光與海灘度假村高達7折優惠：

精選陽光與海灘高達7折優惠：

• 馬爾代夫卡尼島*：每位付費成人可與1位兒童免費入住(11歲或以下)
• 馬爾代夫Finolhu豪華別墅*
• 泰國布吉島*
• 印尼民丹島^
• 馬來西亞珍拉汀灣^
• 日本沖繩石垣島^

*優惠需最少入住3晚
^優惠需最少入住2晚

優惠日期：即日至2026年5月29日

旅行日期：即日至2026年11月27日

預訂網址：https://www.clubmed.com.hk/o/sunflashsale
預訂熱綫：+852 3856 0468

首30個透過Club Med香港官網或客戶服務熱線完成之合資格預訂，即可免費獲贈 Mustela 防曬護理套裝(總值超過HK$700)！

*優惠受條款及細則約束，詳情請參閱Club Med香港官網

---

【兒童免費入住】馬爾代夫卡尼島獨家：1位成人 = 免費帶 1 位小朋友(11 歲或以下)同行！

Club Med Kani度假村 5日4夜，兩大一小(11歲或以下)$17,200起，平均每人$5,733起 (原價$27,200起)

想同屋企人歎一個真正輕鬆嘅海島假期，馬爾代夫卡尼島一定值得放入清單！由馬累機場出發，坐快艇唔使一個鐘就可以抵達度假村，對一家大細出行嚟講方便好多。島上有清澈海水、白沙灘同滿滿度假感，小朋友可以參加兒童俱樂部同各式各樣活動，盡情放電；大人就可以自己慢慢享受陽光、海風同難得嘅Me Time。度假村玩樂選擇相當豐富，由浮潛、潛水、沙灘排球，到衝浪、空中飛人等水上及陸上活動都有，想Chill住玩又得，想玩得刺激啲都得！去埋水上鞦韆、日落海景同一望無際嘅藍色大海打卡，隨手影都好有度假feel，絕對係一家大細留下夏日回憶嘅好地方！

預訂網址：https://www.clubmed.com.hk/r/馬爾代夫卡尼島/y?locale=zh-HK

馬爾代夫Club Med Finolhu 豪華別墅 5日4夜，2人同行$31,180起，平均每人$15,590起 (原價$44,200起)

Club Med馬爾代夫Finolhu豪華別墅好適合想歎一趟更私密、更有儀式感嘅海島假期嘅情侶！島上設有沙灘別墅及水上別墅，每間空間寬敞，配備私人泳池、露台及戶外休憩空間，望住海景發呆、享受二人世界，或者安排一個浪漫慶祝時刻都非常合適！入住期間更有私人管家服務，協助預訂餐廳、活動及貼心安排，想體驗飄浮早餐、慢慢歎日落，或者將行程節奏交俾專人打點都可以！Finolhu住客除了可享用島上專屬設施，仲可去附近卡尼島享受餐飲及活動，一次過感受寧靜奢華與Club Med玩樂氣氛！如果想求婚、去蜜月、慶祝週年紀念，或者純粹想同另一半好好放慢腳步，Finolhu都係一個好有浪漫感嘅馬爾代夫度假選擇。

預訂網址：https://www.clubmed.com.hk/r/馬爾代夫卡尼島/y?locale=zh-HK

日本沖繩石垣島 Club Med Kabira 4日3夜，2人同行$8,220起，平均每人$4,110起 (原價$10,960起)

Club Med Kabira石垣島坐落於被譽為「日本馬爾代夫」嘅川平灣旁邊，由香港直航約2小時就可以抵達，想去日本又想歎海島假期就啱晒！度假村被潔白沙灘同碧海藍天包圍，玩樂選擇由浮潛、風浪板、獨木舟、直立板，到空中飛人、壁球、乒乓球都有；一家大細出發仲有Amazing Family親子同樂營同兒童俱樂部，大小朋友都可以各自玩得盡興。想感受多啲沖繩離島風情仲可以參加村外觀光，探索石灰岩洞穴、體驗同魔鬼魚共游，或者學習三線琴、彩繪風獅爺等傳統文化。玩到肚餓就返到度假村歎國際料理、日式美食同沖繩特色菜，再配上沖繩生啤、清酒或紅白酒，喺海景、美食同陽光之間，慢慢享受另一種日本度假節奏！

預訂網址：https://www.clubmed.com.hk/r/日本石垣島/y?locale=zh-HK

由香港出發直飛布吉，大約三個鐘就可以抵達，想趁幾日假期快閃歎陽光海灘，Club Med布吉島就啱晒！度假村經過全新裝修後，房間更舒適，整體空間更有度假感，無論想靜靜放空，定係一家大細玩到盡都適合。想玩得充實，度假村內由水上體驗到特色課堂都有唔少選擇，由浮潛、獨木舟、風帆、直立板，到Aqua Gym、瑜伽、泰拳、泰式烹飪班等都有專業G.O帶領，想玩水、做運動、感受泰國文化都一次過滿足！度假村附近更有熱鬧夜市，可以行吓街、試地道小食、買手信，幾日時間已經可以歎齊陽光、沙灘、美食同泰國風情。想放鬆又唔想飛太遠，布吉島絕對係短線度假嘅輕鬆之選！

印尼民丹島 Club Med Bintan 5日4夜，2人同行$12,540起，平均每人$6,270起 (原價$16,720起)

Club Med民丹島好適合想近近哋歎海島假期嘅家庭同情侶！由香港出發經新加坡再轉船前往，船程約1小時就到，交通方便之餘，仲可以順道安排新加坡快閃行程，一次過感受城市同海島兩種玩法！度假村最近以全新面貌登場，整體設計更清新舒適，四周被藍天、海景同綠意包圍，度假感滿滿！想玩得輕鬆又有變化，日頭可以出海玩獨木舟、浮潛、風帆，亦可以留喺度假村試射箭同其他陸上活動，每項都有專業G.O帶領，新手都可以放心參加！想放慢節奏，就可以喺海邊餐廳邊望海景邊享受美食！附近更有國際級高爾夫球場，啱晒想將悠閒海島假期同高爾夫體驗一次過安排嘅旅人！

預訂網址：https://www.clubmed.com.hk/r/印尼民丹島/y?locale=zh-H

馬來西亞珍拉汀灣 Club Med Cherating Beach 4日3夜，2人同行$9,194起，平均每人$4,597起 (原價$13,100起)

Club Med馬來西亞珍拉汀灣度假村坐落於佔地約200英畝嘅熱帶花園之中，將雨林、海灘同大自然景致一次過結合，特別適合想帶小朋友親近自然嘅家庭。日頭可以喺綠意包圍下散步、聽住蟲鳴鳥聲感受慢活節奏，亦可以投入多款水陸活動，由空中飛人、低空彈跳、射箭、雨林健走、攀岩，到風帆、獨木舟等，動靜皆宜；部分活動更有專業G.O從旁指導，新手同小朋友都可以玩得更安心。想搵一個有沙灘、有雨林、有放電活動，又唔會太公式化嘅親子度假目的地，珍拉汀灣就好值得考慮！

預訂網址：https://www.clubmed.com.hk/r/馬來西亞珍拉汀灣/y?locale=zh-HK