馬航官網限時夏日禮遇！Enrich會員全年尊享額外95折！銀聯卡最高減MYR 150(約HK$295)！Flex票價享彈性改期+揀位+預訂餐膳+額外行李服務！玩轉吉隆坡/檳城/浮羅交怡/沙巴！明年3月31日前出發！

夏天就到，又係時候plan定下一趟旅行啦！

無論你想同屋企人去一趟輕鬆暑假之旅、同朋友快閃食買玩、情侶慢活度假，定係經常要飛外地公幹，一張夠彈性、服務夠全面嘅機票，絕對可以令整個旅程更加安心順暢！

馬來西亞國際航空官網/APP限時夏日禮遇嚟啦！

由即日起至5月30日，經馬航官網/APP預訂機票，即可享更全面嘅行程安排及個人化服務，旅程規劃更加靈活自在！

訂飛前記得先免費登記成為Enrich會員！除咗可以累積積分換取獎賞，仲可即時尊享會員額外95折票價折扣，全年訂飛都更加抵玩！

如果你有銀聯卡嘅話，經馬航官網/APP預訂時，更可享最高MYR 150折扣(約HK$295)，無論計劃家庭旅行、雙人假期，定係一次過買多張機票，都可以慳得更多！

想旅行玩得盡興，最怕就係行程一有變動就手忙腳亂！經馬航官網/APP訂票，大家可以按自己需要選擇合適票價！想預留更多彈性，不妨考慮「Economy Flex」票價！突然有多日假期，想調整出發日期，定係因應工作安排更改行程，都可以處理得更加從容，出發前後都少一份壓力！

「Economy Flex」亦照顧到旅途上唔同需要，由預先揀定心水座位、預訂合適餐膳，到額外行李服務都一應俱全！經濟艙行李額最高可達35kg，商務艙更最高可達50kg，無論係一家大細出發、長線度假想買多啲手信，定係商務出差順便延長行程，都可以帶得更安心、飛得更輕鬆！

透過馬航官網或APP直接預訂，另一大好處係資料清晰透明，航班、票價選項、附加服務及行程管理都可以一站式處理！之後如果有需要查詢、加購服務或管理預訂，都更加方便安心！

今次限時夏日禮遇出發日期遠至明年3月31日，無論暑假、年尾旅行，甚至明年初出發都可以提早plan定！想鎖定下一趟旅程，就記得把握機會，透過馬來西亞國際航空官網/App預訂心水航點啦！

大家可以上馬來西亞國際航空官網/手機App訂購
https://www.malaysiaairlines.com/hk/zh_hk/promotions/time-for-summer-getaways.html

講到馬航，當然唔少得馬來西亞呢個超適合香港人出發嘅旅行地！航程時間適中、消費相對親民，加上當地文化多元、美食選擇豐富！

想城市快閃可以去吉隆坡、檳城食買玩；想海島度假可以去浮羅交怡、沙巴歎陽光海灘；一家大細出發或者想親近大自然，一樣可以搵到啱自己節奏嘅玩法！加上當地唔少人都識英文同普通話，部分地區甚至可以用廣東話溝通，對自由行新手、親子旅客或者想去得輕鬆自在嘅朋友都非常友善！

想週末快閃，可以飛吉隆坡感受城市活力，行商場、歎酒店、食盡地道美食；又或者去檳城慢慢打卡老街壁畫、尋找娘惹菜、茶餐室同街頭小食，一個短假期都可以好充實！

如果想安排夏日海島假期，浮羅交怡就好適合一家大細或者情侶慢活度假！陽光海灘、度假酒店、自然景觀一次滿足；想親近大自然，沙巴亞庇都係人氣之選，無論睇日落、出海、浮潛，定係享受熱帶假期氣氛都非常啱feel！

想行程再特別一點，建議考慮斗湖作為夏日深度遊目的地！斗湖係前往仙本那一帶嘅重要門戶，適合安排5至7日行程，慢慢探索沙巴東海岸嘅海島風光！大家可以預留時間出海浮潛、欣賞清澈海水同熱帶魚群，仲可以去附近自然景點感受雨林氣息，將旅程節奏放慢，好好享受一個遠離城市嘅夏日假期！

除咗馬來西亞境內航點，馬航亦以吉隆坡作為樞紐，連接多個亞洲及長途熱門目的地。熱門航點包括馬來西亞嘅吉隆坡、古晉、斗湖及山打根；亞洲地區包括新加坡、雅加達、峇里島、馬爾代夫及斯里蘭卡；澳洲及新西蘭方面亦有墨爾本、阿德萊德、布里斯本及奧克蘭等選擇，無論想短線度假、海島旅行，定係飛遠啲探索南半球，都可以經馬航輕鬆出發！

預訂日期：即日至2026年5月30日

出發日期：即日至2027年3月31日

大家可以上馬來西亞國際航空官網/手機App訂購
https://www.malaysiaairlines.com/hk/zh_hk/promotions/time-for-summer-getaways.html

受條款及細則約束