【三亞4日3夜淡季度假攻略】住三亞·亞特蘭蒂斯免費玩水世界＋水族館！2大場館＋3大表演！一家大細食住玩Relax一次滿足！

想去旅行叉叉電，又唔想每日由朝趕到晚？避開暑假旺季出發，安排一個節奏慢少少嘅Resort Holiday就啱晒！留喺度假村一樣可以由朝玩到晚，一家大細出發就更加輕鬆！

由香港直飛三亞航程大約1小時30分鐘，短線出發都好方便！今次推介位於三亞嘅 三亞·亞特蘭蒂斯(Atlantis Sanya)，成個度假村以海洋為主題，住宿、水世界、水族館、餐飲、娛樂、購物同表演全部集中喺同一個Resort，無論一家大細帶小朋友放電、情侶想chill住度假，定係想安排幾日慢活小旅行都好適合！

最吸引係入住酒店，本身已經包咗唔少玩樂體驗！酒店住客可以免費暢玩亞特蘭蒂斯水世界、水族館同海豚小島，仲可以欣賞3大表演！有小朋友嘅家庭仲可以入住海底小縱隊20周年家庭海景房！

一於用4日3夜係三亞·亞特蘭蒂斯酒店好好歎盡Resort設施，食玩住一次過滿足！

預訂網址：https://www.atlantissanya.com/booking

---

【三亞·亞特蘭蒂斯4日3夜度假攻略】

淡季去旅行，三亞·亞特蘭蒂斯絕對係一個好選擇！三亞·亞特蘭蒂斯最大賣點，就係將食、住、玩、娛樂同Relax集中喺同一個Resort入面，減少交通同排行程嘅時間，反而可以將幾日假真正用喺「玩」同「休息」上。下一個旅行無論係一家大細出發，定係同另一半去Chill幾日，都可以用4日3夜慢慢探索三亞·亞特蘭蒂斯！食住玩Relax一次滿足！

預訂網址：https://www.atlantissanya.com/booking

【Day 1】入住海底小縱隊20周年家庭海景房

第一日抵達三亞，唔使急住四圍趕景點！慢慢去酒店check-in、放低行李，先由間房開始投入度假Mode！

三亞·亞特蘭蒂斯設有多款海景客房，一家大細出發可以特別留意海底小縱隊20周年家庭海景房，由房內佈置到兒童空間都充滿海洋探險元素，小朋友一入房已經即刻投入海底世界！

想將今次度假體驗再升級，酒店仲設有極具特色嘅水底套房，可以喺房內透過大型觀景窗欣賞海洋生物游過，好似置身海底世界！

第一日唔使安排太多行程，慢慢熟悉度假村環境、食餐好嘅，再早啲休息，為之後兩日叉足電！

【Day 2】探索海洋世界！住客免費玩「2大場館＋3大指定表演」

第二日正式展開海洋之旅！酒店住客可以免費去「失落的空間水族館」及「海豚小島」2大場館，仲可以欣賞餵食show、美人魚表演及「鯨魚共舞」3大表演，唔使離開Resort已經可以玩足大半日！

鍾意海洋生物嘅朋友去到 「失落的空間水族館」  一定會睇到唔捨得走！館內海水總量達17,500噸，匯聚超過86,000尾海洋生物，可以喺巨型觀景幕前欣賞海洋生物自由自在暢游，魚群、海龜、白鯨等逐一喺眼前出現，打卡又得、小朋友睇到實超興奮！記得預留時間欣賞美人魚表演，睇住美人魚穿梭魚群之間起舞，成個巨型水族景觀變成舞台，現場睇更加震撼！

下晝再去埋「海豚小島」，近距離觀察海豚等海洋動物，了解更多海洋生態。想體驗得再深入啲？館內仲有多款白鯨、海豚、海獅等不同互動體驗項目可以參加！

夜晚記得睇埋C秀劇場！大型駐場演出將海、陸、空元素結合，配合3D舞台、燈光同唔同表演效果，由朝玩到夜，一日海洋主題行程夠晒豐富！

【Day 3】住客免費暢玩亞特蘭蒂斯水世界！

睇完海洋生物，第三日就輪到自己落水玩！亞特蘭蒂斯水世界全年開放，設有36條主題滑水道及多款水上設施，鍾意刺激可以挑戰急降、高速滑行等水上設施；一家大細就可以去漂流河、造浪池同兒童玩水區，無論大人定小朋友都搵到適合自己嘅玩法！

最正係 — 酒店住客可以免費暢玩亞特蘭蒂斯水世界！住喺Resort入面嘅好處就係完全唔使Chur：朝早玩一轉，攰就返房休息；叉完電再落去繼續玩。唔使一入場就迫自己玩足十個鐘，呢種先係Resort Holiday應有嘅節奏！

玩足一日水，夜晚食咩完全唔使愁！三亞·亞特蘭蒂斯有多達21個餐飲選擇，由特色餐廳、自助餐到Cafe同Food Court都有，唔同口味、唔同價位任你揀，住足4日3夜都可以餐餐轉口味！想食得精緻啲，可以揀百年老字號蘇幫菜館-松鶴樓中餐廳、名廚Gordon Ramsay喺中國內地唯一一間餐廳Bread Street Kitchen & Bar、可以邊食邊欣賞海洋景觀嘅奧西亞諾海底餐廳 或者日式餐廳 Yotsuba；想感受濃厚南洋風情，就可以試吓Crab餐廳。想輕鬆醫肚，就有Avenues美食廣場同Poseidon’s Court，後者仲可以一邊食一邊歎水底靚景；鍾意自助餐就可以去Saffron自助餐廳，超多鮮活海鮮任你揀、環球風味美食任你食，選擇夠晒豐富！無論想安排一餐有儀式感嘅Dinner、一家大細聚餐，定係玩完水簡單食返餐，留喺三亞·亞特蘭蒂斯入面都搵到啱心水嘅選擇，4日3夜都完全唔怕食到悶！

【Day 4】特色泳池＋Spa＋養生中醫館

最後一日，瞓醒慢慢食個早餐，之後可以去酒店皇家泳池或家庭泳池游下水、曬下太陽，享受最後一個悠閒Morning。

前兩日玩水世界、行水族館玩到攰，大人想真正叉足電，仲可以另外安排去AHAVA水療做個Spa，放鬆一下身體。想試另一種養生體驗，酒店內亦設有中星中醫館，可以按個人需要安排相關體驗。如果乜都唔想再安排亦完全冇問題！慢慢食早餐、游下水、喺Resort行多轉，再悠閒check-out，先係淡季度假最舒服嘅Ending！

*餐廳、AHAVA水療、中星中醫館及部分互動體驗等屬額外收費項目，實際住客禮遇、表演及設施安排以酒店最新公布為準。

預訂網址：https://www.atlantissanya.com/booking

【Club Med桂林度假村】

想下一個短假轉下環境，可以由三亞海島Feel轉去桂林山水！由香港坐高鐵約3小時就可以直達桂林，入住Club Med桂林度假村，住宿、美食、精彩活動同娛樂節目一價全包，去到唔使再逐樣排行程，啱晒想輕輕鬆鬆放幾日假嘅朋友！

Club Med最新「Back to School」快閃優惠限時登場，9月13日或之前預訂，入住日期由即日至2027年5月28日，連續入住3晚或以上標準客房，即享低至8折優惠！首20個全新預訂仲可以免費獲贈總值超過$1,200身體護理禮品套裝，名額有限！

大家可以把握重陽節假期「請一放四」，輕鬆安排一轉桂林Club Med之旅，短短幾日都可以放鬆一下！

---

三亞·亞特蘭蒂斯酒店介紹

酒店環境：

酒店客房：

【家庭旅行必住】海底小縱隊20周年家庭海景房：

亞特蘭蒂斯水族館：

亞特蘭蒂斯水世界：

奧西亞諾海底餐廳

松鶴樓中餐廳：

Bread Street Kitchen & Bar：

Crab餐廳：

Saffron自助餐廳：

日式餐廳Yotsuba：

其他酒店設施：