早上8時開搶！國泰 x 港龍 第二期 fanfares 震撼優惠 + 搶票全攻略(更新版) – 國泰航空 港龍航空

想搶先知道最新旅遊優惠，就快D “LIKE” 我地既 Facebook Page 啦！

http://www.facebook.com/MeetHK

update 5/11 11:30pm

第二期fanfares震撼優惠價格剛剛公佈啦！同第一期fanfares優惠一樣都係有15個城市

包括海口($290)、高雄($490)、昆明($690)、胡志明市($790)、金邊($890)、首爾($990)、東京($990)、濟州($1,090)、布吉($1,190)、名古屋($1,290)、沖繩($1,290)、莫斯科($1,990)、芝加哥($1,990)、布里斯班($2,390)同阿姆斯特丹($2,990)

以上價格未連稅！東京連續兩期fanfares都出現，雖然要到8am先知出發日期同名額，不過就咁睇高雄、首爾、東京應該最受歡迎，記住8am準時搶飛啦！！！

經過左第一期國泰同港龍航空fanfares震撼優惠，第二期fanfares明天早上8時又開搶，而地點同價錢應該晚小小就會公佈，我地會留意住第一時間話俾大家知

第一期fanfares既迴響非常之大，睇下我地Facebook既留言數目就知道。當中有讚亦有彈，大家既留言我相信有關方面已經睇到

而家等我地再了解一下fanfares既玩法，等大家係之後既fanfares優惠可以快人一步搶票成工

首先國泰同港龍航空每個星期二早上8時都會推出新一期fanfares震撼優惠，係一個限時同限量既機票優惠，即係所謂既秒殺優惠

每期有十五個目的地，睇返第一期fanfares優惠，機票大致可以分為2大類：

1.去程同回程為指定日子及指定航班

2.去程同回程無限死一個日子，短途一般最長可以停留7日、長途就14日

第一期fanfares優惠，三亞、新加坡、東京、迪拜、墨爾本都係第一類去程同回程為指定日子及指定航班

當中最多爭議既可算是墨爾本，來回只係$1,690，連稅$4,727，單睇價錢的確勁吸引，不過就指定11月6日去11月10日返，坐飛機已經無左2日，得返2日玩，我諗呢隻飛唯一用途就係當單程機票用吧

另外，第一期優惠有2隻訂票時間，第一隻就得2日去到星期三11:59pm完結，另一隻比較長啲有7日去到下星期一先完。當然如果平機票俾大家搶曬，就會提早結束啦，上星期三亞係最快俾大家搶曬！

呢個fanfares優惠其實唔止係國泰/港龍fanfares網站訂到，其實各大旅行社都訂到，不過朝早8點旅行社未必有人返工接電話，另外透過網上訂上訂票比旅行社訂優勝之處就係可以得到500 AsiaMiles，所以都係建議大家上網訂吧，可以即時confirm出唔出到飛

根據上期經驗，8am優惠一開始，網站都仲係暢順，不過大概8：45打後，相信唔少上班一族已經返到公司開始撲飛，網站速度開始有啲慢，不過始終第一期知fanfares既人唔多，明天第二期應該會多左唔少人搶，未必好似第一期咁易搶到

第一期fanfares優惠既出發日期都係12月10日之前，由於只係玩左一期，我地估計未來應該唔只得Last Minute 優惠，應該會有一些早鳥優惠。不過旅遊旺季好似聖誕新年咁就唔好有期望啦，就算有都一定被秒殺啦

最後，大家平常心對待呢個fanfares優惠啦，話唔定有更大驚喜，話曬每個星期二都有新既fanfares優惠，今個星期無岩心水咪等下個禮拜，再者我地日日都會介紹唔同航空公司既新優惠，總會有一隻岩大家心水既！

再次送上搶票小貼士(更新版)俾大家！

1. 首先大家要記實fanfares 機票優惠開賣時間，星期二早上8時，最好提早10分鐘好起身開電腦準備

2. 預先準備好自己和同行者既姓名(記住要同旅行證件一樣)、Asiamiles號碼(如有)，而國泰網站訂票係唔需要打護照號碼、有效期、出生年月的

3. 預先準備好有足夠limit既信用卡啦(支持VISA、萬事達美國運通、大來信用証、JCB)，如果你張卡有Visa驗證或MasterCard SecureCode，就凖備好驗證碼啦

4. 提前對行程進行計劃，我地估計今次fanfares 機票優惠既出發日期唔會包括旺季時間，好似聖誕新年就無咩可能有優惠啦，最好預先係日曆記低那段時間available，到時先諗就太遲了！

5. 付款前要再三確定一次所選擇既目的地，航班日期同時間，最重要睇清楚價錢先好禁確認！

6. 最後當然係留意實我地MeetHK.com 旅遊情報網、Facebook專頁同微博既最新消息

撲飛網址(兩條link都係指向同一地同方，隨便選一個就可以)：

國泰航空： http://www.cathaypacific.com/cx/zh_HK/latest-offers/flights/fanfares/index.html

港龍航空： http://www.dragonair.com/ka/zh_HK/latest-offers/flights/fanfares/index.html

;