值得推介：酒店預訂網站 Booking.com 訂房教學

想搶先知道最新旅遊優惠，就快D “LIKE” 我地既 Facebook Page 啦！

http://www.facebook.com/MeetHK

寫左兩年多既旅遊情報，咁耐以來真係未介紹過Booking.com既任何優惠

不過無介紹過絕對唔代表Booking.com唔好，相反Booking.com其實非常值得推介俾各位Fans

論優惠Booking.com未必夠其他酒店預訂網站多，佢亦都無discount code提供

Booking.com最令我鐘意既地方就係絕大部份酒店都可以免費取消 (當然大家訂之前一定要睇清楚預訂條款)

好多時我係計劃旅行時都會先訂一些可以免費取消既酒店，如果之後發現有更抵既優惠就取消再訂其他的，就算之後無其他優惠，都唔怕無酒店住

同Hotels.com/Agoda要預先付款唔同，Booking.com大部份酒店都唔需要預付房費，房費通常去到酒店後先以現金/信用卡支付

對於我地呢啲晨咁早出左機票既人來說，房費酒店現付可以唔駛未出發先找卡數，尤其係歐遊，要一早俾晒所有房費都幾甘下

Booking.com另一優勢在於佢地歐洲酒店選擇真係好多下，好多中小型酒店都係Booking.com到搵到

當然Booking.com係東南亞既酒店數量未必夠Agoda多，不過熱門既酒店一般都有 (雖然Booking.com同Agoda其實都係美國Priceline旗下，不過兩者係唔同地方各有優勢)

Booking.com： http://www.booking.com

以下就簡單咁整過Booking.com預訂教學俾大家參考一下

同大部份酒店預訂網站一樣，都有港幣同繁體中文可以揀

一般來說，建議大家以英文輸入目的地名稱，尤其訂歐洲酒店，有些地方既中文譯法大家未必睇得明

入到去所選酒店頁面，大家一定要留意清楚”相關條款”，呢度會詳細列明可唔可以免費取消，包唔包早餐

另外留意Booking.com 所顯示既房價係已經包左稅的

同埋留意房費係以邊種貨幣結算

到輸入個人資料，睇清楚價錢同邊日之前可以免費取消

之後輸入埋地址同信用卡資料作擔保之用

確認預訂後，大家會見到以下頁面，另外同一時間會收到確認email

如果想取消booking，只需以下面既預訂編號同密碼登入取消整個預訂就可以